في يوم وانا قاعدة مع أهلي
أبويا ساب أخويا، وما حاولش للمرة المليون يصلح من حاله المايل
وعلى فكرة، حاله المايل ده هو رجوعه البيت الساعة 2 بالليل
وانا طبعًا ما كـنـتـش بـ عمل كده، لأن ميعادي في البيت كان 12.
ما علينا، أبويا يومها قرر يركز عليا
وابتدى محاضرته عن الرجوع للبيت متأخر
و"مش هـ ينفع كده، والناس هـ يقولوا علينا إيه؟"
و"لو حد جه يطلبك وسأل البواب"
قعدت أسمع، واطلع الكلام من الناحية التانية
لغاية ما جت كلمة "البواب"، الـلـي اتسببت في غضب مفاجيء
البواب؟ هو قلقان من البواب؟
أنا ما عنديش مشاكل مع البوابين، بس مش معقول البواب يبقى شخص رأيه مهم في حياتي.
وهنا تدخل أخويا، وقال له: "أنا مش شايف إيه المشكلة لو اتأخرت برا
طالما مش بـ تعمل حاجة غلط
وبعدين ليه أصلًا هـ تعوز تجوز بنتك لواحد بـ ياخد رأي البواب؟
لو عايز يعرف حاجة المفروض يسأل أهلها،
مش يسأل واحد بـ يقعد على باب العمارة".
طبعًا أكتر حاجة ضايقتني كانت إن أبويا القدوة
كان فجأة قلقان على رأى البواب
هو إزاي مش بـ يثق فيا؟
إزاى مش فاهم إن هو وأمي ربوني كويس؟
إزاى يفكر فيا بالطريقة دي؟