بابا حبيبي أول ما أختي الكبيرة ابتدت تكبر جاب لها كتاب،
اسمه 1000 سؤال وجواب للمرأة؛ عشان تقرأ وما تتخضش من التغيرات الأنثوية الـلـي هـ تحصلها.
لما البيريود جت لي، هو الـلـي علمنا طريقة الاغتسال منها إزاي،
وهو الـلـي بـ يجيب لنا هدومنا الداخلية أصلًا.
بابا لما بـ يتكلم معانا بـ يكون في قمة العادي؛
بـ يتكلم في كل شيء محظور، حتى المعلومات الجنسية،
بس بشكل علمي مش بطريقة إباحية.
بـ نتناقش، ونتكلم معاه عادي، خصوصًا إنه دايمًا بـ يتكلم من الناحية الفقهية للمواضيع،
فده بـ يشيل أي حرج بينا؛ لو فيه سؤال عن أي شيء أصلًا مش بـ تكسف اسأله،
وعمره ما صدني، بالعكس، بـ يقول لي: "يلا ندور مع بعض على إجابة"
بابا إنسان عظيم جدًا ف تقديره للمرأة.