"بنتي سودا، وتخينة مش زي أخواتها،
ده الولاد طلعوا أحلى منها".
من صغري اتربيت على كره جسمي….
"أنتِ تخينة، سودا، عينك ضيقة زي الزرار"،
"شوفي البنات"
"بصي البنات، عمرك ما هـ تتجوزي".
عشان كده كان لازم أتجوز قبلهم كلهم،
وارضى بأول واحد يخبط، مش مهم فرق السن، فرق الثقافة،
مش مهم الأخلاق، المهم أعمل الإنجاز الوحيد، واثبت إني حلوة ومرغوبة.
أنا لحد دلوقتي ما أقدرش أبص على جسمي في المرايا؛ لأني اتربيت إنه مقرف.