ابني طلع زيي

عندي قورة كبيرة شوية،
طول عمري بـ يتنمروا عليا بسبب شكلي، وقورتي، وشعري
- الـلـي مش وحش بالمناسبة - بس طبعًا مش حلو زي عيلتي الـلـي شعرهم حلو جدًا.

طول عمري بـ سمع عبارات زي "الإريال؟ شعرك هـ يلقط القنوات".
طول عمري- زي أي طفلة- نفسي أعمل ديل حصان،
أي حاجة غير الكحكة، والضفيرة، بس طبعًا مش مسموح؛
عشان ماما عايزة شعري يبان حلو زيهم،
فـهـ يبان حلو إزاي؟ لازم نلمه، عشان ما يهيش، أو يبان تمويجه.

خلفت دلوقتي، والتنمر جه بطريقة تانية،
إن ابني طلع زيي، عنده قورة، وشعره زيي.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر