أكون عادية

عندي هالات سودا حوالين عيني من وانا صغيرة؛ لأنها وراثة،
وعندي بروز في العينين.
كنت بـ كره المدرسة جدًا، لأني كنت دايمًا بـ شوف نظرات تريقة من صحابي،
وإني دايمًا أقل منهم لأني مش طبيعية في شكلي….

لدرجة إن صاحبتي سألتني في مرة:
"هو أنتِ باباكي ومامتك قرايب؟" -تقصد إن الـلـي عندي ده تشوه بسبب زواج الأقارب-

عمري ما لاقيت حد من أهلي بـ يدعمني ولا بـ يدافع عني،
بـ كره التجمعات العائلية والمناسبات،
لأني ببقى واثقة إن العيون هـ تكون عليا، و خصوصًا من الأطفال.
لما حد بـ يقولي إني جميلة، ببقى متأكدة إنها مجاملة.

أقل أمنياتي إن ما كُـنـش جميلة، لكن علي الأقل أكون عادية….
يعني عينيا طبيعية، ولما حد تقع عينه عليا ما يرجعش يبص تاني كأني شئ غير مألوف.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر