أول مرة جتلي البيريود كنت في 3 إعدادي،
وكنت بـ سمع عنها من أصحابي دايمًا.
بس ماما كان الموضوع بالنسبة لها عادي، يعني بـ تتكلم معايا من قبلها،
بس أنا كنت بـ تكسف إن حد يعرف في البيت، وخصوصًا إن أخواتى أولاد،
وكنت بـتعب جدًا، وساعات بـ يلاحظوها.
بس دلوقتي بقيت أخليهم هم يشتروا البادز،
وأسيبها موجودة عادي، مش بـ خبيها زي الأول،
واتعلمت إنها مش عيب فيا عشان أخبي البادز، أو أفضل نايمة طول الوقت، أو أكون صايمة وتعبانة.