طول عمري بـ عاني من تعامل أهلي معايا، ونظراتهم ليا؛ عشان جسمي….
من أول ما بلغت وانا بـ عاني من سمنة، سببها وراثي أكتر منه أكل،
أمي ما كانـتـش بـ ترحمني، كانت دايمًا تقولي: "يا عِجلة"، "يا فشلة".
لحد ما كرهت جسمي، وشكلي، وحياتي، وكل حاجة،
رغم إني بنت حلوة بكل مقاييس الجمال بتاعتهم….
"أنتِ كل حاجة حلوة فيكي، بس لو تخسي"، كانت دايمًا تـتقالي،
وكأن قبولهم ليا مشروط بشكل جسمي.
دلوقتي أنا زوجة، وأم، ولسه بـ عاني من كلامها ليا وانا صغيرة،
كل محاولات الدايت فشلت،
اتحسنت علاقتي بجسمي عن زمان،
لكن ما بـ يوجعنيش إلا أما أشوفهم، واشوف نظراتهم تاني، وافتكر الـلـي فات.
قررت عمري ما هـ بقى أم كده،
قررت أحافظ على شكلي، وصحتي عشاني مش عشان حد،
قررت أحب نفسي في كل الأشكال، تخينة، أو بـ عمل دايت، أو خاسة.