عمري ١٨ سنة،
وانا ١٦ سنة بدأت أكون متمردة علي المجتمع،
بدأت أعند مع الدنيا واحاول أعيش براحتي،
قابلني ناس كتير ساعدتني، وناس تانية كانوا قريبين مني بعدوا عني عشان كانوا شايفين إني شخص مش محترم عشان بطالب بحقوقي وبـ عترف بمشاعري،
أنا أوبن ميندد بس مش زي ما هم فاكرين،
انا شخص ـ بيحب يثقف نفسه ويعلم نفسه في كل المجالات،
أنا كل يوم بواجه حالات تحرش علي السوشيال،
من أول التعليق علي شكلي، ولبسي، وأسلوبي، وصوتي وكل حاجة ممكن حد يتخيلها.
أي شاب بـ يشوف واحدة زيي بنظرة البنت المنحرفة اللي عايزة تمارس الجنس،
وكل ما بـ حاول يكون عندي صحاب جداد لازم يتكلموا عن الجنس،
كأني موجودة في الحياة عشان كده.
أنا فخورة بنفسي وانا بكسر قيود المجتمع،
وفخورة بنفسي وانا بـ عرف أجيب حقي وادافع عنه.
