فاكرة إني روحت صبحية عمتي
كل الناس كانت عارضة الموضوع في الأوضة
فكل الناس كانت بـ تدخل تـتفرج على الأمر العظيم.
هى ما كانـتـش قادرة تمشي
كانت مدغدغة
وانا ما سألـتـهـاش مالها
ولا سألت هـم بـ يتفرجوا على إيه؟
من بعدها ما روحتش أفراح ولا صبحيات
بس كنت بـ سمع ناس من عيلتي بـ يحكوا
مش عارف مين اتربطت في السرير، علشان قالت لأ
ومين دخلوا فيها إيه، علشان قالت لأ
مش عارف مين ودوها المستشفى في الصبحية، علشان حصل لها نزيف
صباحية عمتي
2016