ما أعرفش، بس كل حاجة سيئة
بـ حاول، وحاسس إن أنا بـحارب لوحدي من زمان
كل الأشخاص الـلـي حواليا ما بقوش موجودين
حتى العلاقات العابرة في الأماكن الدراسية مش موجودة.
بـ تعرض لـتـنـمُّـر وإهانات
زي إن مرة مدرس مادة الدين قعَّدني قدامه بطريقة غير مباشرة عشان يقرا عليا الرقية الشرعية، قدام كل الـ classmates
وكان متِّفق معاهم عشان شايفين اختلافي عنهم خلل
وما أقدرش أعمل حاجة
ولما اتكلمت، اتقال ده هزار.
حتى الأشخاص القريبين بقت علاقتنا متوترة
بس انا ما بـقـيـتـش قادر تاني
ما بـقـيـتـش قادر أتحمل كل الـلـي بـ يحصل، أو الـلـي بـ تعرض له
يعني مثلا، كل ما مدة الأجازة بتقرب تنتهي بـتوتر
لأن أنا مش حابب أفضل 3 سنين وسط ناس مش حاببهم،
ولا حابب أتعامل معاهم.
والأهل؟
المفروض في الحالات دي بـ يكونوا هما السند
ولكن هما جزء من المعاناة
هم سبب، ونقطة من نقط مشاكلي بسبب إهانتهم ليا.
فـفعليًا بـ حارب لوحدي
والمزيكا هي نوع من أنواع الهروب المفضل ليا.