بنت في مصر

بنت في مصر

كنت طفلة عندها 7 سنين وقت أول محاولة تحرش ليا،
أو وقت أول محاولة تحرش أنا أدركتها.
كان من راجل كبير في السن
كنت على البحر، وهو استغل إني كنت لوحدي وأهلي على الشط
فـ لمسني.

مش بس لمسني، لأ هو fingered me
لكن أنا ما كـنـتـش فاهمة.
قلت له: "أنت بـ تعمل إيه؟"، وخوفت
قال لي: "لأ لأ يا حبيبتي، ما بـ عملش حاجة"

بعدت عنه بعدها
رغم إني ما كـنـتـش مدركة إن الـلـي عمله حاجة غلط أصلًا.

بعدها في بداية مراهقتي
اتحرش بيا قريبي، ولما واجهته كدب
ولما واجهت العيلة غـلَّطـوني، وقالوا لي: "أنتِ ظالماه"
من رأيي إن إحنا عيلة زينا زي أغلب عائلات المحروسة
بـ تبرر للولد، ويطبلوا له على أي حاجة، وكل حاجة
ويقهروا البنت بسبب، وبدون سبب.

التحرش حاجة صعبة
والأصعب منها إنك تتلام على إنه تم التحرش بيك.
كوني بنت في مصر بـ يخليني بـ كره وجودي،
وبـ كره أهلي لأنهم سبب وجودي،
وبكره جُبني وخوفي من إني أنهي حياتي، وانتحر
بسبب كل الـلـي بـ يحصل لي
وكل العقبات الـلـي قدامي لأني بنت.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر