أنا فهمت دلوقتي ليه بـ يقولوا: "لما الفقر يدخل من الباب، الحب ينط من الشباك"
أنا بـ شتغل، وبـ طبخ، وبـ غسل، وبـ نضف، وبـ آخد بالي من البيبي
مش قادرة، حاسة إني عايزة أجازة من حياتي.
آه، أنا عارفة إن احنا نُعتبر عايشين مستريحين، وإن في غيرنا كتير فقرا فعلاً
لكن هـ تلاقي إن الست مش بـ تـشـتـغـل
لكن إن الست تكون بـ تـشـتـغـل، لازم ده على الأقل يـخليهم فوق فوق المستريحين
علشان تقدر تجيب دادة تقعد بالطفل وهي في الشغل، وواحدة تساعدها في شغل البيت
وعلشان تعرف تـشـتـغـل أساسًا.
أنا زمايلي في الشغل عملوا اجتماع مخصوص علشان يقولوا لي إني اتغيرت
"ما بـقـيـتـيـش زي الأول"
"مش بـ تـشـتـغـلـي"، و"بـ تعاملي الناس وحش،
كل ما حد يسألك عن حاجة، تـ تـنـرفزي"
و"طب بلاش يا ستي، إحنا مش عايزينك تـشـتـغـلـي اليومين دول أصلًا، مش موسم
إحنا هـ نـشـيـلـك، بس اتعاملي مع الناس كويس".
مش عارفة أعمل إيه، وهو مش بـ يـتغـيـر
أديله وصل النور، يكسل يروح يدفعه
أديله إيصال التليفون، برضه يكسل
مش عارفة أعمل إيه؟
والمصيبة إني اكتشفت إن أغلب الستات المتجوزين عندهم نفس الشكوى.