بعد الطلاق
قلت أنزل أشوف شغل
نزلت أشوف شغل في المستشفيات
عاوزين ممرضات بس، وانا ماليش في التمريض.
"السن إيه يا مدام؟ 36؟! لأ ما يـنـفـعـش"
" طب مؤهلاتك إيه؟ دبلوم صنايع؟ "
ما بـ يرضوش

أول مرة حد اتحرش بيا كان عندي 10 سنين،
كان مدرس في المدرسة الـلـي كنت فيها
ما قولتش لحد.
تاني مرة حد يتحرش بيا كان عندي 17 سنة،
كنت في باص الجامعة، ما قولتش لحد.

كنت بـ تعب جدا لما تيجي لي بيريود وممكن يغمى عليا…
فمش معقول كل شهر هـ بقي تعبانة…
فاخترعت إن أنا عندي حاجة في الكلى
عشان يكون فيه سبب ليه بـ تعب يوم ونص على الأقل كل شهر

كنت بـ تبسط أوي لما زمايلي الرجالة بـ يقولوا عليا "راجل"
وهـم بـ يحاولوا يوصفوني بأني موظفة كُفء ويُعتمد عليها،
وبـ تـعرف تسيب مشاعرها وكل الحاجات العاطفية دي في البيت قبل ما تنزل

كان عندي 8 سنين، وكنت بـ لعب في الشارع
وكان فيه راجل كبير عنده يـيجي 60 سنة، بـ يبيع عسل
كان كل شهر بـ ييجي يجيب لنا العسل
المرة دي ما كانش فيه حد في البيت

اتعرضت للتنمر من مديري المباشر
عشان أنا من قرية صغيرة في البحيرة
وهو عايش في القاهرة.

زمايلي بـ يتريقوا عليا لما يعرفوا إني من القرية دي
أنا دلوقتي بـ كره قريتي، وعيلتي، ونفسي، وشغلي.

أول شغلانة اشتغلتها كانت موظفة استقبال
في واحد من المهندسين في المكتب كان بـ ييجي يشوفني كل يوم طول الأسبوع
ويقعد يقولي إنه بيحبني وإنه عمره ما شاف حد زيي قبل كده
بدأت أحس بمشاعر ناحيته

كنا في مؤتمر، وبعدين واحنا في الفندق
راجعين على أوضنا، واحد من الزملاء قال لي:
"أنا أوضتي رقم 13".

خلصت الجامعة، واتخطبت، واتجوزت،
سكنت بعيد جدًا،
ما كانش ينفع أروح نفس الشغل الـلـي أنا كنت فيه،
وبصراحة ما كُـنـتـش مهتمة أوي إن أنا أدور على شغل تاني.
بقيت حامل في توأم، ولدت، وخلفت، وقاعدة،
كان عندي اكتئاب، قعدت سنة وشهرين اكتئاب،
الـلـي هو اكتئاب ما بعد الولادة ده.

حسيت إني كبرت لما اتقدم لي أول عريس
كنت لسه صغيرة، في تانية إعدادى
بعد الجواز بقى، شيلت المسئولية، وكبرت
وبابا كان مفـهـمـنـا إن الجواز ده حاجة بقى مفـيـش بعدها كلام
لا نغضب، ولا طلاق، ولا الكلام ده