طنط نعمات

"قولي لي يا حبيبتي فيه حد؟"
"مش عايزة أحكى"
"بلاش تحكى قوليلى بس فيه حد ولا لأ؟ انت عندك كام سنة دلوقتي؟"
"عندي كتير"
" طيب يعنى لازم تتجوزى"
"لا مش لازم احنا مش مخلوقين عشان نتجوز"
"أمال مخلوقين عشان إيه؟"
---
"قوليلى يا حبيبتى انت غلطتى مع حد؟ قوليلي أنا ستر وغطا عليكى"
"لا الحقيقة ما غلطتش مع حد انا مبسوطة كده"
"مبسوطة ازاي يعني؟"
"مش حاسة إن أنا محتاجة راجل"

---
"مفيش حاجة جاية فالسكة؟"
"حاجة زي إيه؟"
"عريس كده عريس كده"
"لا يا طنط مفيش"
"طب اتلحلحى شوية"
"اتلحلح ازاي يا طنط"
"يعنى شوفي صاحباتك بـ يعملوا إيه واعملي زيهم"
"هم بـ يعملوا إيه يا طنط؟!"

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر