أنا عندي ٢٤ سنة
من سن ١٣ وانا فـقدت ثقـتي في نفسي بـسبب إني تخين،
بعاني من نظرات الناس ليا، أوقات كتـير بـ تعاير لأني تخين
"انت الي هـ تـرضع العيال لما تتجوز؟"
"انت فاكر إن في واحدة ممكن تـبص لواحد تخين شبـهك"
"يا ابني ده انت بـ تطلع السلم بـ تـنهج"
"يا ابني ده انت مش هـ تعرف تعمل علاقة جنسية، التخان معروف عنهم كده"
حياتي اتدمرت حرفيا لدرجة إن هواجس الانتحار بـ تطاردني …
بقيت بـ عيط لما أخويا الأكبر مني يعايرني لما نروح نشتري لبس
ويقولي: "خس، انت بـ تلبس مقاس خاص"
ويضحك الناس ويـبقي مبسوط وهو بـ يقتلني …
روحت الجيم وعملت دايت،
بقي بـ يسخر مني وانا في الجيم ويضّحك الناس عليا ويقول: "اجري يا عجل"
