بـ تعرض للتحرش الجنسي من وانا عندي 5 سنين
لسه فاكرة لمسة إيده عليا ونظراته
الموضوع كان مريب بدون ما أدخل في تفاصيل كتير
اتعرضت للتحرش الجنسي من خالي.

كان يفضل كل ما أروح لجدتي يقرب ليا، ويحسس عليا
وانا زي العبيطة مش فاهمة
الموضوع استمر لغاية ما كبرت، وبـقـيـت في إعدادي
كنت بـ عيط، وبـ خاف منه، كان بـ يـهـددني كل مرة،
كان يتحرش بيا وانا نايمة، كنت بـ عمل نفسي نايمة من كتر الخوف.

الموضوع اتطور إنه بقي بـ يـتـهـجـم عليا وانا صاحية
ويقول لي: "هـ ديكي فلوس، بس اسكتي"
كان بـ يـجـيـب لي أفلام بورن، ويفرجني عليها، ويحط إيده على جسمي
الـلـي خلصني من قرفه إنه سافر.

حد هـ يـيـجـي ويقول لي:"أنتِ الـلـي غلطانة إزاي تسكتي على ده؟"
أقوله ماما كانت بـ تـشـوف آثار عمايله دي على رقبتي، وما كانـتـش بـ تـنـطـق
و"اسكتي، وما تقوليش لحد عشان الفضايح"

في نفس الوقت وانا صغيرة في ابتدائي برضه اتعرضت للتحرش من ابن عمتي
أكبر مني بـ 10 سنين
كنت بـ خاف منه، ومش فاهمة ليه بـ يـعـمـل معايا كده زي ما خاله بـ يـعـمـل
مش عارفة أصلًا كان إيه الـلـي بـ يـعـمـلـه ده
علمني العادة السرية بـ تـتـعـمـل إزاي
كنت بـ خاف أروح لهم، كنت صغيرة على إني أتكلم أو أحكي لماما حاجة زي دي.

جارتي كانت بـ تـحـبـني أهي، وبـ تـجـيـب لي حاجة حلوة
وبـ تلعب معايا بعد ما أرجع من المدرسة لغاية ما ماما تيجي
بـ تحط إيدها عليا ليه بعد ما بـ رجع من المدرسة؟
وتقعد تعمل حاجات وحشة وعيب أصلًا؟
أنا كنت مش فاهمة حاجة، بس هي قالت لي:
"اوعي تقولي لحد وانا هـ جيب لك شوكولاتة"

صاحبة ماما بنتها قدي، حلو نـ تصاحب ونلعب سوا
بس هي ليه بـ تـبـوسـنـي كده؟ أنا مش فاهمة حاجة
ليه بـ تـخـلـيـنـي أنام وتنام فوقي؟
أنا ما كنتش عارفة إيه اللي كان بـ يـحـصـل، بس ده حاجة عيب، وانا متضايقة.

أخويا الصغير كبر، وبقي بـ يـعـمـل فيا نفس الـلـي بـ يـعـمـلـه خالي وابن عمي
بـ بقى نايمة، حاسة بإيده ماشية على جسمي
طبعًا ما يـ نـفـعـش أتكلم، عشان عيب، أصل هـ قول إيه؟

كبرت بقيت بـ اكره الرجالة، وبـ كره أخويا وخالي وابن عمي، وبـ كره الضعف
بكره كل الـلـي أذوني نفسيًا، ومش مسامحة أي حد منهم.

دلوقتي عندي 24 سنة، وبـ يـجـيـلـي نوبات صرع
وبـ صحى مخضوضة من النوم
تفاصيل 20 سنة مش هـ تروح من بالي، وهـ تفضل معايا لغاية ما أموت.

آه بالمناسبة، جربت انتحر مرتين وما عرفتش