أنا واحد عندي 23 سنة، عايش لوحدي بقالي سنتين
قبل سنتين كنت مرتبط بـبنت وبـحبها جدا، لأ بحبها جدا جدا جدا كمان
كانت بـ تمثلي كل حاجة حلوة
اديتها كل حاجة حلوة في حياتي
ما سابـتــلـيـش حاجة واحدة حلوة أعيش بـيها من غيرها،
سابتـني عشان ظروف مادية …
دلوقتي بقيـت لوحدي، بقيـت لوحدي تماما
بنام وانا فاكرها وبصحي بـ فكر فيها،
ما بقـيـتـش عارف أعمل حاجة في حياتي بـسببها
قاعد بين جدران لوحدي بسأل نفسي:
"أنا أستاهل منها كده؟ طيب هي وحشة إنها عملت كده ولا أنا اللي وحش وعملت حاجة زعلتها مني؟" كان نفسي أعرف ليه وصلت لكده
حتي حاولت أقرب منها لاقيت كل الأبواب مقفولة …
طيب دي كانت بــ تحبني؟ دي سلمتني نفسها ...
طيب ده احنا اتـخطبنا، هان عليها تـفـركـش الخطوبة وتفركـش معاها كل حاجة حلوة كانت بينا؟
طيب سيـبني مني أنا، هل هي هـ تعرف تواجه مصيرها بعد ما فـقدت عذريتها؟
طيب ممكن تتـفضح بـ سببي؟ أنا وحش إني بوظـتـلها حياتها؟
بس أنا ما سـبـتـهـاش،
كان نفسي أعرف إجابات أسئلة كتير بسألها لنفسي …
دلوقتي بعـيش اليوم بطوله لوحدي، ما بتـكلمش، ما بـيــطـلعـلـيـش صوت،
ولو طلعلي صوت بكلم نفسي عشان أسمع نفسي، عشان أتطمن إني لسه بـ تكلم.
كان نفسي تـفـضل موجودة، كان نفسي الحياة مـا تـقــفـش معاها
كان نفسي أعيش معاها،
كان نفسي أعرف ليه بقـينا كده …
سابتـني عشان ظروف مادية
2018