طول عمري بـ حِس إن فيا حاجة غلط، أو حاجة ناقصة
حاجة عند كل الناس، ومش عندي
ده بـ يخليني طول الوقت مش عارفة أتعامل، وبـ تكسف.
وبعدها لما أفتكر ده، بـ رجع ألوم نفسي إني اتكسفت، وإني غبية
وده كمان بـ يخليني أرضى بقليلي - زي ما بـ يقولوا- في كل حاجة
لو سمعت كلام حلو من حد، بـ حِس إن ده كتير عليا، وانا ما أسـتـحـقـهـوش
لو لاقيت ولد بـ يحاول يظبطني، بـ كون واثقة إنه مش بـ يحبني
بس لو هو مقبول، بـ دوس
وبـ يبقى غالبًا غرضه يـنام معايا، ويـسيبني
فالموضوع بـ يبوظ كده كده.
حاولت كتير أبتدي أن أحب نفسي، واهتم بشكلي
بس دايمًا في حاجة ناقصة
حاولت أقلد طريقة صحابي وهـم بـ يتكلموا
بس بـ كون غريبة برضه.
أنا نفسي أحب، واتحب، واعيش حياة طبيعية.