بت يا دينا على فكرة أنا بـ عرف أعمل فتلة وملقاط
هو أنا ما قـــلـتـلـكـيـش؟ أنا موظفة الصبح بس بضطر أعمل الحاجات دى بالليل
ما النطع اللى أنا متجوزاه طول النهار قاعدلى فى البيت وما بيصرفش على العيال، وكل يوم والتانى يدينى علقة. مش فالح فى حاجة خالص غير إنه يبصلى لما يبقى عايزنى وانا أسمع الكلام زى الخدامة.
أنا ببقى مش عايزة أروح. بس هـم قالوا اللى تقول لجوزها لأ تبقى ملعونة
أنا بـكره نفسى لما بشوفه وبـكره نفسى لما ببقى قاعدة معاه
وساعات لما ببص للعيال ببقى كارهاهم، ومش طايقاهم علشان هـم عياله
أنا زهقت من اللف على البيوت. أعمل فى شعر دى، واعمل فى وش دى، واحفف فى دى
بس أسيبهم يموتوا من الجوع؟
أنا ببقى قاعدة فى المدرسة الصبح وسامعاهم بـ يقولوا: النتافة قاعدة هناك
النتافة اللى قاعدة هناك دى علشان خاطر ما تتطلقش. علشان خاطر عايزة تصرف على العيال
علشان خاطر ما اتطلقش ويقولوا عليا دايرة على حل شعرى.
وكل شوية حد يقولى أنا عايزك وهـ بسطك وهديكى اللى انت عايزاه.
أنا تعتبت وما بقيتش عارفة أعمل إيه
