كنت بـ روح عنده البيت آخد درس فى الصيف.
ماما كانت بتودينى وتقعد تسنانى برا الأوضة لحد ما أخلص.
هناك قابلت دينا واحدة تانية كانت برضه بتاخد درس مع الميستر.
دينا قالت لى إن كان بـ يحصل حاجات بينها وبين الميستر، وانا ما فهمتش إيه الحاجات دى. وقتها كنت لسه مش فاهمة حاجة أوى.
لحد ما الميستر فى مرة حاول إن يحصل ما بينى وبينه حاجة …
فى الأول كنت بقعد قدامه وبعد فترة بقى عايزنى أقعد جنبه.
ابتدى يطبطب عليا …
كنت فاكرة إن الطبطبة دى علشان أنا شاطرة، لكن لما ابتدت تزيد وابتدى يقرب أكتر واكتر، ودينا بدأت تفهمنى، حسيت إن فيه حاجة غلط.
وفى مرة حاول يبوسنى فافتكرت كلام دينا وهى بتقولى إن أكيد فيه حاجة هـ تحصل.
كنت خايفة من ماما ومن بابا ومن أصحابى، فما عملتش أى حاجة غير إنى عيطت.
لما لاقانى فضيحة بقى وهـ عيط بعد عنى وما عملش حاجة.
ماما ومراته كانوا قاعدين برا الأوضة ...
