كنا في أولى اعدادي، في مدرسة متشردة خالص اسمها عمر بن الخطاب
يعني للأسف، مدرسة كان أحسن حاجة فيها اسمها بس.
وحصل حادثة تحرش بمدرسة في فصل في سنة تالتة
والموضوع اتعرف
وهي المدرسة كان لبسها مختلف بالنسبة للمدرسة وللمكان،
واحنا مش متعودين على حاجة زي كده
فهي شافت الطلبة بـ يمارسوا العادة السرية جوا الفصل
فهي كان لها رد فعل
فـ راحوا اتحرشوا بيها
تحرش يعني الـلـي هو بهدلوها خالص.
فاحنا سمعنا ده، ومش فاهمين يعني إيه الـلـي حصل أصلًا
يعني كانوا بـ يعملوا إيه كده؟
وقتها ما كناش عارفين أي حاجة عن الجنس
و دي كانت أول مرة أعرف يعني إيه جنس
ويعني إيه واحد بـ يعمل حاجة زي كده.