أنا بنت في أواخر العشرينات.
فيه مشهد بـ يخليني غضبانة جدًا من أهلي …
وانا عندي 5 سنين، شهـدت ضرب بابا لماما،
فاكرة وانا قاعدة على الأرض في أوضتـهم بـ عيط، ومرعوبة من العنف الـلـي بـ شهده في بيتي،
هي وقعت جنبي وهو بـ يضربها.
العنف لسه مستمر لحد دلوقتي، وهي لسه قابلة ده….
أنا مش شايـفة إن ده أب يُحترم، ولا شايفة إن دي أم بـ تضحي علشان خاطر بيتها.
لولا أني بقيت واعية بفكرة العنف والاعتداءات،
كنت هـ صدق إن البيوت عادي بـ يحصل فيها الإهانة، والضرب، وقلة القيمة.
لكن ده اسمه خنوع، واستسلام، وقلة حيلة من ماما، وإيذاء، واعتداء جسدي ولفظي من بابا.
الـلـي بـ يمر بقصص مشابهة لقصتي ياريت يصدق ويشوف إن ده عنف، مش أي حاجة تانية….
لا دي مرجلة، ولا ده عشان بابا، فعادي يضرب ويشتم،
ولا ده مثلًا حب أو شوية عصبية و"ما يقصدش".