تَحَرَش بطفلة كانت 2 ابتدائي،
ما كُـنـتـش فاهمة ولا مستوعبة غير إني كنت متضايقة جدًا من الـلـي بـ يحصل،
وفي نفس الوقت ما كُـنـتـش بحكي.
المدرس بتاعي الـلـي بـ يعطيني إنجلش.
كنا 6 بنات، 5 بنات بـ يقعدوا في الديسك الأول،
والبنت الـلـي بـ تيجي متأخر تقعد في الديسك الـلـي ورا لوحدها،
وهو يـ يجي يقعد جنبها، وياخدها على رجله، وعضوه ماشي على جسمها من ورا.
كنت بـ بقى مرعوبة وانا رايحة الدرس إني اتأخر؛ عشان ما أقعدش ورا لوحدي.
خوفت أحكي أو أتكلم،
بدأت كل ما آجي أروح الدرس لازم ألبس بنطلون بحزام.
عندي فوبيا من الرجالة، حرفيًا بخاف،
وانا قاعدة في المواصلات بـ حس إني لو قعدت جنب حد وخبط فيا ممكن يبقى غصب عنه،
وانا بـ بقى خايفة يكون غرضه حاجة تانية.
المدرس ده عامة فضلنا عنده لحد ما العدد زاد، وفضلت عنده لـ 3 ثانوي،
وكان كل ما يقول لي: "ده أنا الـلـي مربيكي" بخاف، واترعب،
واحس إني عايزة أقتله، وما بحبش أقابله في مكان.
والحاجة الوحيدة الـلـي قدرت أعملها
كنت بـ دافع باستماتة عشان أختي الصغيرة ما تروحش عنده لوحدها وهي في ابتدائي،
على الأقل قدرت أمنع إن حد تاني يحس نفس الإحساس القذر ده.