كنت في فرح حد قريبنا
الفرح كان في حديقة على النيل، مكان مفتوح
وقتها كان عندي 10 سنين،
كنت ماشية، وورايا مجموعة أطفال سنهم بالكتير أوي 8 سنين
حسيت بحاجة غريبة بـ تحصل لي من ورا،
ما كنتش فاهمة إيه بـ يحصل، وما اهتمتش.

بـ بص ورايا عشان أرجع للمكان الـلـي كنت فيه
لاقيتهم بـ يضحكوا، وبـ يشاورا بإديهم، وبـ يقولوا كلام ما فهمتوش وقتها،
بس بعدها عرفت إنهم كانوا بـ يقولوا لي عملوا لي إيه، ونفسهم يعملوا إيه تاني
ما فهمتش حاجة، وسيبتهم، ومشيت.

بعد الموقف ده بمدة
الست الـلـي كانت بـ تيجي تنضف لنا البيت كان معاها بنتها حوالي سنة ونص
ماما قالت لي: "خلي بالك منها"، أخدتها، وخرجت برا البيت في الجنينة
كان عندي رغبة آخدها في حتة محدش يشوفنا فيها،
واعريها، والمس المناطق الحساسة في جسمها،
ما عملتلهاش حاجة.
بس قرفت جدًا من نفسي، إزاي أفكر كده؟ وعاقبت نفسي
كنت بـ سأل ليه فكرت بالشكل ده، وكان السبب المقنع الوحيد وقتها إني جوايا شيطان.

الرغبة دي كانت بـ تزورني لحد وقت قريب، بس بشكل أوسع
مش بس أطفال، البنات صحباتي الـلـي أصغر مني كنت بـ بص لجسمهم
كنت بـ خاف ياخدوا بالهم من نظراتي، كنت بـ قرف جدًا من نفسي، وانعزل عنهم
وعن قعدات البنات
كنت بـ قرف من نفسي، واعاقبني
دخلت في نوبات اكتئاب
لحد ما واحدة أعرفها قالت لي حبي نفسك.

قعدت أسبوعين في أوضتي ماسكة ورقة وقلم
بـ قرأ مقالات، وبـ كتب في ذكريات لحد ما وصلت للموقف ده،
موقف من17 سنة قد يحول جزء كبير من حياتي لجحيم، وكره، واحتقار لنفسي.