ما بحبكوش لما بـ تقولوا لى نعيما بعد ما أعمل وشى
عارفة إن كان عندى دقن زى الرجاله
وعارفة إنكم بتقولوها كهزار وفاهمين إن دى حاجة لطيفة علشان بضحك عليها لما تقولوها.
بس اللى مش عارفينه إنها بـ توجع.
واللى مش عارفينه إن انتوا السبب إنى أقرر ما أروحش لكوافيرات أبدا
انتوا السبب فى إنى ما بدأتش أخد خطوة للعلاج غير بعد ما كملت ٢٥ سنة
انتوا لسه السبب فى إنى بفكر ألف مرة قبل ما أقولكم إنى رايحة جلسة الليزر.
انتوا السبب إنى كل مرة بعمل فيها وشى - زمان لما كنت بعمله كل يوم ودلوقتى لما بقيت أعمله كل شهر - بحس إنى a man doing feminine stuff
انتوا بتوجعوا
نعيما
2016