أنا عارفة أمك خايبة مش هـ تفطمك
أهم حاجة عند الرجالة تبقى مستحمية
أوعي يعلَّق إنك مش مستحمية.
الشاور المغربي ده كل أسبوعين
أوعي يبقى فيه أي شعر في الجسم
الرجاله بـ يقرفوا أوي
وبعدين ما أنتِ شوفتي مرات ابني مدلعاه إزاي.
أنا عارفة إنك شوفتي أفلام وكده
بس بـ قولك إيه، سـيـبـيـه هو يـ تصرف، آه
أوعي تقولي له آه ولأ
الست عندنا ما بـ تـتـكـلـمـش في الحاجات دي
بـ تقول حاضر، ونعم بس.
وبعدين الفوط الـلـي ماما جابتها لك
لا يا اختي مش فوط المطبخ
الفوط دي تاني يوم تديها لماما
أوعي تديها لحماتك، آه
أحسن تقول بـنتكم ومش بنتكم
أنتِ تـشـيـلـيـهـا في درج الكومودينو لحد ما ماما تيجي ليلة الصباحية
آه، خلينا نـرفع رأسنا ونـنبسط.
أنا قلت لك بس علشان عارفة إن أمك مش هـ تقول لك حاجة
خدي الكلام مني علشان تبقي ست حلوة، وتـعمري
الستات عندنا كلها مش بـتـتـطـلـق
ربنا يتمم لك بخير.