أنا اتعرضت للتحرش الجنسي من أبويا
ولأن كان عندي 18 سنة، وكانت علاقتي بأمي مخربة، ما قدرتش أحكي لحد
بس ده لغاية دلوقتي مأثر في صورتي الذاتية، ونفسي أنتقم من بابا.

بابا كان بـ يـتـفـرج على أفلام إباحية بشكل يومي
وبعدها بـ يمارس العادة السرية
أنا قررت أقفل قنوات الدش الإباحية عشان بابا ما يـتـفـرجـش عليها
وكنت دايمًا فاكرة إن ماما هي سبب إن بابا بـ يـتـفـرج على القنوات الإباحية
كرهت ماما جدًا.

في أولى ثانوى ومرة بعد المدرسة، رجعت البيت، وبابا رجع بعدي بنص ساعة
وبعد ما روح البيت، دخل أوضته، وانا بالصدفة كنت رايحة أشرب من المطبخ
شفت بابا في الأوضة وإيده تحت البنطلون الأزرق بتاعه، وكان بـ يمارس العادة السرية.

جريت عالسرير بتاعي، وعملت نفسى نايمة
لكن شافني، وقام من عالسرير عشان يشوف مين الـلـي شافه، عشان إحنا كنا 3 أطفال
أنا فاكرة إن من يومها وانا فقدت إحساسي بالأمان في البيت
وكانت أول مرة يجيلي نوبة فزع والـلـي لسه مستمرة معايا لحد دلوقتى
بعدها بابا كان بـ يـلـمـس صدرنا أنا واختى، وكنا فاكرين إن ده هزار، لكن ده كان تحرش.

أنا بابايا عمره ما كان أب حنين أو متواجد في حياتنا
وهو نفسه كان ضحية لأب مدمن كحول
فى معاشه، بابا كان لوحده
أولاده التلاتة محدش فيهم بـ يحبه أو بـ يتمنى يعيش معاه.

أنا اتعرضت للتحرش من زملائي في العمل، ومن مدرسين المدرسة
ومن بياعين في الشارع وفي الجامعة
وعمرى ما عرفت إن ده عنف إلا بعد سنين
بابا علمني إن العنف حب، لأن لو بابا عنيف ومتحرش يبقى هو ده الصح
يعني هو كان مقياسي، وكنت بـ ختار كل الولاد الـلـي أحبهم زيه
وكنت بـحب عنفهم الجنسي واستغلالهم
لأني كنت بـ اكره نفسي، وبحب بابا.

ثقافتنا بـ تعلمنا نكرم أهالينا ونسمع كلامهم
حتى لو هـم وحوش ومش بني آدمين
وفعلًا مش كل الاشخاص الـلـي خلفوا يُطلق عليهم أب وأم
لأنهم ما خـلـفـوش عشان قادرين ماديًا ونفسيًا وعاطفيًا، وجابوا طفل يحبوه ويكبروه
ولكن العكس، عشان الأطفال بـ تدى حب غير مشروط يعوضهم عن الـلـي فاتهم.

عشان أرجع أحب نفسي واكره بابا، سـيـبـبت البيت والبلد واصحابي وحياتي
وروحت عـيـشـت برا مصر
وحبيت نفسي وجسمي، وقررت إنى ما اختارش رجالة زى بابا تاني
لأنهم هـ يـسـتـغـلـونـي زي ما بابا عمل.

أنا ليا أصدقاء ما يـعـرفـوش إنهم مُستغلين، ونفسي يـعـرفـوا ويـ حبوا نفسهم
أنا لما بعدت عن أهلي، كان معايا 3000 جنيه من آخر مرتب
وانا بقالي برا البيت 3 سنين، ومعايا نفس المبلغ تقريبًا
بس الفرق إني شخص تاني مستقل، وبـيحب نفسه.

أنا بـ اتكلم عالفلوس عشان هي السبب في إن إحنا نـ ضطر نعيش مع متحرش أو مغتصب
الـلـي بـ يـتـعــرض لتحرش أو اغتصاب بـ يـجيلوا تخلف فى الدراسة والشغل
بسبب قلة التركيز وحفظ المعلومات في مناطق في المخ
وده أنا ذاكرته واختبرته في مسيرة تعافي
يعني لو أنت كل شوية تغير شغل، أو بـ تسقط في الامتحانات، أو مش مرتبط، أو مش لاقي نفسك، أو حاسس إنك تايه
الذاكرة بـ تـخـيـب ظن الإنسان، لكن الإحساس عمره ما بـ يـخـيـب ظن الإنسان.