أنتِ واحدة صايعة
بـ تسافري مع ولاد،
وبـ تشربي سجاير،
وصورك الـلـي بـ ترسميها،
بجد فضحتينا
ما ترجعيش البيت.
أنتِ واحدة رخيصة، وعاملة فيها الضحية
أنتِ عريـتـيـنـي،
إوعي ترجعي البيت،
كده أحسن وأنتِ برا،
هو أنتِ بـ تفكري في مستقبلك ازاي؟
أنتِ بني آدمة ضايعة
مفيش حاجة اسمها أنتِ حرة لحد ما تتجوزي، أنتِ مش حرة
ده أصلًا لو اتجوزتي، ما أفتكرش إن فيه حد ممكن يتجوز واحدة زيك
أنتِ حياتك مشبوهة
سيبي البيت
بس ما ترجعيش تاني.