كل ده فى رمضان …
السنة اللى فاتت كنت راجعة بيتى قبل الفطار بنص ساعة تقريبا
فجأة وقف تاكسى قدامى زى ما يكون بوكس بوليس هـ يقبض على متهم هربان
خرجت منه ست كبيرة فى السن شوية، تزعقلى
"إيه الخرا اللى انت عملاه فى نفسك ده"
أنا كنت لابسة جينز أزرق واسع وتى شيرت أسود نص كم، وسايبة شعرى هايش (شعرى نوعه أفريقى).
قلت لها "إيه فى إيه؟"
صرخت فى وشى "إيه وبـ تتكلمى عربى كمان؟"
ما درتـش بنفسى إلا وانا بـزعقلها
"يعنى انت بدين أهلك موقفة الشارع قبل الفطار ونازلة تـشـتـمـينى
وفاكرانى ما بــفهمش عربى يا بنت دين الكلب"
الناس اتلمت وحرفيا زقونى عشان أمشى،
وقعدوا يـطيـبـوا فى خاطرها ويتحايلوا عليها عشان تركب التاكسى وتروح تلحق الفطار.
السنة دى أول يوم نزلت فيه الشغل كان تالت يوم رمضان.
ركبت التاكسى وطلبت منه يوصلنى
لما وصلت وبعد سخافات فى الطريق مالهاش لازمة، طلب السواق أكتر من أجرته بكتير
عشان شغلى العداد وما ركبش حد تانى معاه
ولما رفضت وقف شتمنى فى الشارع وقالى
"يا شرموطة يا بنت الكلب ... أستغفر الله العظيم اللهم إنى صايم"
أخدته على القسم اللى فى آخر الشارع
وقف يزعق وكان عايز يضربنى والأمين واقف ما بينا
فى وسط هذه الأحداث السعيدة ظهر فجأة شخص جى بـ يجرى من أول الشارع وبيزعق
"انت اللى غلطانة أنا حاضر الخناقة من الأول وانت اللى بنت كلب …"
وبرضه استغفر وفكر نفسه إنه صايم
فى نفس الليلة شخص إدى نفسه الحق إنه يخش يشتمنى فى رسالة على الفيس بوك
بدون سابق معرفة
وقالى "يا سوداا يا زنجية يا ملحدة وكسمك"
عشان حد بعت له إسكرين شوت من جروب بنات كتبت فيه
بوست عن المضايقات اللى بنشوفها فى رمضان
أنا نوبية ومش محجبة