من ساعة ما ابتديت أكبر، ظهر في جسمي نمش فجأة،
ما كانش موجود وانا صغيرة، خصوصًا في منطقة الرقبة، والصدر.
بقيت كل ما ألبس حاجة مفتوحة، ماما تقولي:
"إلبسي حاجة مقفولة عشان تداري الحاجات الـلـي في صدرك دي".
تلقائيًا بقيت دايمًا ألبس شال، حتى لو فتحة البلوزة صغيرة؛ عشان رقبتي تـ تدارى.
ارتبطت مرة بواحد كان بـ يقولي: "طب هو جسمك كله كده؟
ولا المنطقة دي بس؟ طب هو ده مش بـ يمشي بالليزر؟
جربي اعملي ليزر".