إحساس زبالة لما تبقي مستنية طول عمرك البوسة الـلـي بـ تحلمي بيها، وبعدين يـ جيلك إحباط.
حسيت إن حد بـ يلعب معايا مصارعة حرة
وداخل يقتحم ويقضي على كل حاجة
وما عندوش استعداد يسمع أي حاجة
والبقاء للأقوى.
كان ممكن اتصارع، واكسب الجولة، بس أنا انسحبت
علشان دي مش جولتي، وأنا مش جاية علشان آخد كاس.
يعني إيه "المفروض تعملي كده"
دي رياضة بقى فعلًا
يعني مش المفروض أعمل الـلـي أنا حاساه؟
عامل خططك وحساباتك كويس؟
ودي المفروض حاجة تبسطني؟
أنا مش عايزة بوسة متخططة
واحد، اتنين، تلاتة، استعداد، هوب... ابدأ
طب على الأقل حاول تفاجئني
خلي فيه أي نوع من المفاجأة.
أصل لو مش هـ تباس بوسة حلوة، يبقى مش عايزة اتباس خالص.