كنت لابسة فستان، ورايحة حفلة في المحروسة
كنت مبسوطة
في طريقي، دخلت في شارع ضيق
بس قلت مش مشكلة، احنا بالنهار
وهـ طلع منه على شارع رئيسي.
وبعدين فجأة حسيت إن رجلي مش لامسة الأرض
فـبدأت أصرخ، والصوت مش بـ يطلع
مش بـ يطلع
لحد ما طلع صوت، ف سابني
ووقعت على الأرض، وطلع هو يجري.
لسه فاكرة ملامحه
كان أسمر، وطويل، وعريض، وشعره محلوق
كنت دايخة، ومش فاهمة
واحد فتح الشباك بص عليا
وبص على الشخص الـلـي بـ يجري، وقفل تاني.
واتنين بـ يلعبوا كورة شافوا الـلـي حصل
وما عملوش حاجة
كأن مفيش أي حاجة حصلت.
فكرت ما أروحش الحفلة
لكن كان الأصعب إنى أروح البيت وانا في الحالة دي
لما روحت الحفلة، وحكيت له وانا منهارة في العياط
سابني، ومشي
بعدها قال لي: "ما أنتِ لو بـ تسمعي الكلام
ما أنتِ لو تلبسي الحجاب"
كان شايف إن أنا السبب.