الفرن ما فيهوش عيش

الفرن ما فيهوش عيش

كنت صغير في ابتدائي غالبا
رحت أجيب عيش من الفرن والعيش اتأخر
كان واقف ورايا راجل كبير في السن، لابس جلابية بيضا وله دقن خفيفة.
حط إيده على كتافي وتبت فيا، ولزق عضوه فيا من ورا
قادر أفتكر ملمسه، كان بـ يلزق عضوه فـي ضهري وطيزي
كنت بتمنى العيش يـيجي عشان أمشي.
المهم فلفصت منه بالعافية بعد مقاوحة منه ومحاولات كتير فاشلة
ما كانش عاوزني أمشي.

رجعت البيت من غير عيش
ماما قالت لي: "فين العيش"
قلت لها: "الفرن ما فيهوش عيش"
خفت أقول لها الـلـي حصل
قالت لي: "ارجع تاني هات عيش"
رجعت تاني ومش قادر أفتكر كان الراجل ده موجود ولا لأ.

رغم إني فاكر سلة العيش الحمرا، وجلابيته ودقنه، وملمس عضوه
لكن مش قادر أفتكر كان موجود ولا لأ
ولا قادر كمان أفتكر مشاعري وقتها.

الحدث ده بـ غيب وبـ فتكره كل شوية.

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر