فترة إعدادى اخترت القراية
من القراية اكتشفت حاجة غريبة
كان فيه كتب في البيت ما أعرفش مين كان جايبها عندنا
بس إحنا كنا في الأول ساكنين في بيت عيلة كلنا مع بعض،
خلاني وعمامي وكله
لأن المنطقة بتاعتنا كل البيوت قريبة لبعض،
حتى لو مش قرايب كلهم حاجة واحدة
لاقيت كتاب ممكن يكون حد عارفه أو وقع فى إيده
اسمه طبيبك الخاص
طبيبك الخاص ده بـ يجيب كل تفاصيل التفاصيل
كأنه دكتور قدامك
كنت بـ لاقي كلام غريب
أنا قلت أقرب واحد هـ سأله مدرس العلوم اللي بـ يشرح لنا حاجة شوية قريبة
وديتله الكتاب
المشكلة إن اللي أنا ما فهمتوش كان فيه مصيبة،
ودانى للناظر أو مدير المدرسة
وقال له: "الكتاب ده ما أعرفش جايبه من فين وعايز استدعاء ولي أمر"
قلت له: "ليه أنا اللي جي أسألك عنه"
فقال لي: "ده مش موجود في المقرر"