فضلت فاهمة إن أنا غلطت
غلطت علشان أنا جميلة
هو مشي ورايا وعمل اللي عمله علشان أنا جميلة
لما كبرت اتعلمت أخبي أي حاجة حلوة فيا
علشان عارفة إنها ممكن تجيب لي الأذى
وكنت اتضايق جدا وأتوتر لما حد يقول لي: "انت جميلة"
لأني بـ حس إن أكيد حاجة وحشة هـ تحصل لي ...
وأنا ١٤ سنة كان نفسي أعمل عملية زي فوزية في فيلم السادة الرجال
علشان لما هـ بقى راجل هـ عرف أركب عجلة واتأخر برا من غير ما حد يقول لي حاجة
وعلشان أعرف أمشي في الشارع من غير ما أبقى خايفة حد يخطفني أو يعمل فيا حاجة