"احميها!"
الكلمة دي بـ تتقال لي كتير دلوقتي عشان بنتي،
وقفتها قدام التلفزيون ورقص وغنا
لما حد بـ يشوفها بـ ترقص بـ يقولوا:
"هـ تفلت! عيارها هـ يسيب"
بنتي عندها 6 سنين يا جماعة!
أكتر واحد بـ يضايقني لما بـ يقول الكلمة دي جوزي يعني باباها
بـ قول له: "ما اسماهاش هـ تبوظ، اسمها وظيفيها،
اشتركي لها في باليه أو جمباز"
أغلب الخناقات بـ تحصل بسبب الكلام ده
"انت دلعتيها" و"انت سايبها"
من سنتين حجزت لها تدريب سباحة
كانت بالنسبة لبابا كارثة يعاقب عليها القانون
مفهوم الحماية عندهم غلط
زي ما بابا حاول يفهمهولي كتير
هو إنه يحطني في صندوق إزاز
انت متخيل إنك بـ تحميني لما تقفل عليا ولما ولما؟!