كنت حوالى 9 سنين،
وكنت عايشة أنا وأخواتى عند خالتى عـشـان أبويا وأمى مسافرين، وخالتى عيالها كبار.
وما كـانـش فيه أماكن معينة للنوم ولا أى حاجة.
الحوار بدأ لما كنت أجى أنام، ألاقى واحد من ولاد خالتى جه نام جنبى ...
واصحى من النوم على الخضة إن حد بـ يمسك جسمى.
الموضوع بدأ بـالكبير، ده كان أكبر منى بـ 13 سنة…
كان وسخ وبـجـح.
كان يبقى بـ يستحمى، يـنـاديـلـى أجيب له فوطة،
عـشـان خالتى كانت مـشـغَّـلانـا خـدَّامـيـن لـعيالها،
فألاقـيـه مطـلَّـع لى أعضائه.
وفـى مرة أتحرش بيا بطريقة فـجَّـة لـدرجة وجـعـتـنى.
ولما خفت وهـددتـه إنى هـ قول لخالتى، قال لى إنه هـ يقولها تطردنى أنا واخواتى ونترمى فـالشارع.
وبـتفكير عيِّلة وقتها، اتـرعـبـت إنى أترمى فـالشارع، واخواتى صعبوا عليا وهكذا.
وكمان أخوه اتحرش بيا مرتين وانا نايمة.
والـلـى يغيظ، إنى ما حـكـيـتـش لأمى غير بعد ما كبرت واتجوزت واتطلقت ...
عـلشـان كان عندى هاجس إنى مش بنت وأمى مش هـ تـصـدَّقـنـى لو عرفت.
ولما حكيتلها، الكبير ده كان عنده عملية…
راحت المستشفى وباتت معاه!
أنا مش عارفة ومش هـ عرف أتخطى الموضوع.