كنت طالعة على السلم، ولابسة جاكيت أصفر قصير،
بـ لبسه على البيجامة لما بـ نزل أجيب لماما حاجات من تحت .
جه راجل طويل ورفيع، ولابس جاكيت بني، ووقفنى
وحط إيده تحت.
وبدأ يسألني أسئلة: "ساكنة في الدور الكام؟ وماما فين؟"
كنت بـ حاول أزقه واطلع، بس كان بـ يمنعني بإيده.
مش فاكرة إيه الـلـي حصل بعدها، ولا ازاي كملت وطلعت،
ما كنتش فاهمة، بس عيطت علشان حسيت إن فيه حاجة غلط.
قعدت أصرخ واعيط
أنا ما كنتش بـ عيط علشان الـلـي حصل،
أنا كنت بـ عيط علشان خايفة من ماما
لما طلعت البيت ماما قالت لي:
"احنا هـ نقول إنه كان هـ يسرق شنطة الكتب"
بس هي كانت عارفة إن هو كان عايز حاجة تانية
وقعدت تصرخ، وتقول: "أنتِ هـ تجيبي لنا العار".