فضلت لحد سن ١٦ سنة ما أعرفش إيه الفرق بالضبط بين الولد والبنت ...
أهلى ما كانـوش قـافـليـن عليا أوى، بس ما أعرفش ده حصل يعنى ...
بقيت فى غفلة من الزمن محاط بأصحاب مراهقين كل هزارهم جنسى ...
وأنا فعلًا مش فاهم معنى كلامهم.
لحد ما فى يوم لاقتـنى بدوَّر على النت، وقريت وشفت صور لفرق جسم الأنثى والذكر ...
برضه ما فهمتش أوى، بس دى كانت البداية لاكتشاف البورن لاحقًا على كمبيوتر بابا.
بعدها بفترة، صديق كان بـ يشتكى لى من إنه بـ يضرب عشرة كتير ...
وأنا حاولت أبـيِّـن إنى فاهم، بس ما كـنتـش عارف إيه معنى ده.
استـدرجتـه فى الكلام لحد ما شرح لى بـ يعملها إزاى..
وأول ما روحت البيت، جربت ولاقـيت سائل لزج بين إيدى بعد دقايق ...
وإحساس كأن فى حاجة انفجرت في مخى، وقلبى كأنى لسه طالع من ماتـش مصارعة.
من وقتها نادرًا ما بـ يعدى أسبوع بدون ما أضرب.
أخدت وقت طويل جدا عقبال ما قدرت أتصالح مع كون دى عادة صعب التوقف عنها ...
واقنعت نفسى بالاستمتاع بيـها بدل جلد الذات المستمر.
وفعلًا من بعد ما بدأت أقتنع بكده، خففت من على نفسى ضغط كبير.
