مش عايزينا نحكي الـلـي بـ نشوفه وبـ نسمعه؟
بـ يقولوا عيب، وما يصحش
بس أنا بـ سمعه
ليه أجمل واقع قبيح؟
تصدقوا فكرتونى بموقفين
مرة كنت ماشية مع صديقة ليا جنب سيتي ستارز
وفجأة واحد عدى في عربية، وقال لي:
"أنا عايز أحط تيت جوا تيت".
بعدها بأسبوع لاقيت شخص تاني في 26 يوليو، في الزمالك
بـ ينادى عليا: "يا آنسة، يا آنسة"
وأول ما اتدورت قال لي: "عايز أحطه"
اتدورت شكرته على حسن استخدامه للغة، وعدم تكراره لجملة زميله.
وعلى فكرة، لولا علمي بأن الكلمتين دول حتمًا ولابد هـ يتشالوا
كنت كتبتهم، لأني مش جايباهم من عندي
أنا مش عايزة أقبَّح، لكن فى نفس الوقت مش هـ جـمـِّـل
عايزين تعرفوا إيه الـلـي بـ يحصل؟ أهو اتفضلوا.