أول مرة حد يتحرش بيا كان جوز أمي،
ما كـنـتـش كملت ١٠ سنين، وما كـنـتـش فاهمة حاجة!
كان يخش يتسحب بالليل وانا نايمة وأما أصحي ينام عالأرض، أو يعمل نفسه بـ يطمن على أخويا.
ولما فهمت اشتكيت لأمي، بس للأسف ما صدقـتـنـيش ...

أول مرة ضربني فيها كان عندي 12 سنة،
وكنت لسه في بداية المراهقة،
اتضربت عشان عرفت ولد من على الفيسبوك،
واتكلمنا، وماما لما سألتني عليه قولتلها الحقيقة.
وعدتني إنها مش هـ تحكي لبابا، بس هي حكتله،
استـنى لما أمي نزلت الشغل، وجاب الحزام والكوبايات،
وأي حاجه تتخيلوها ممكن اتضرب بيها….

وانا صغيرة 15 سنة واحد كان مسـتقـصدنى ....
وكان بـ يمسك صدرى فى الشارع
حتى لما زعقـتـله كان بـ يصمـم أكتر

اتعرضت للتحرش من وانا صغيرة من أبي،

مش فاكرة كان عندى كام سنة بالظبط، لكن كنت كبيرة كفاية إنى أفهم وأرد ... بس خفت أرد
كنت فى التاكسى لحوالى نص ساعة ما حصلش فيهم حاجة
لما قربنا على الشارع اللى كنت هـ نزل فيه السواق قالى "عايزاه من قدام ولا من ورا؟"

كان بـ يعمل معايا انترفيو وفي النص سألني:
"أنت عايزة تشتغلى ليه؟"
"بـحب الشغل"
"بـ تتمايصى يعنى!"
ما عرفـتـش أرد …

كنت في تانية كلية وكانت في حياتي مشاكل كتير،
سواء في الدراسة أو البيت أو علاقات،
وكنت بـ لجأ دايما لمرشد روحي عارف أسرتي، وكنت بـ حكيله دايما كل حاجة.

وفي يوم كان معاهم صواريخ
ورموها على الست وهي بـ تكتب على السبورة
فـ اتخضت، واتدورت
راح اتنين تلاتة قاموا، قفلوا الباب، وقفلوا النور
وقفلوا الستاير بتاعة الفصل
وزنقوها في الركن الـلـي ورا الباب.

أول مرة حصل لي موقف تحرش، كنت في إعدادي
كنت مروحة أنا وصاحبتي
ومرَّة واحدة تلاتة راكـبـيـن موتوسيكل،
هم التلاتة فى إيد واحدة مسكوني من ورا.

كان ليا صديق أيام المرحلة الثانوية، وكنا بـ نتكلم،
والحوار اتطور لحاجة كنت فاكراها حب،
بس اكتشفت بعد كده إنه كان بـ يستغلني.
وبعدين علمني العادة السرية، وبقينا بـ نعملها مع بعض كل يوم،
ومرة كنا في درس، أخدني وروحنا عربيته، باسني من شفايفي french kiss،