قالولي إنها لعبة.
إن كله بـ يلعبها وعايزين يشوفوا مين أشطر واحد.
كنت ساذجة أوى.
يوم ورا التانى بـ ندخل أوضة وكل واحد منهم يختار حد مننا ونروح و"نلعب".
يوم ورا التانى بـ نكتشف بعض فى اللعبة دي،
ويوم ورا يوم كنت بدخل الشقة متحمسة إننا نبدأ اللعبة.

روحنا، وفي اليوم ده مش فاكرة غير دكتورة بـ تزعقلي؛
عشان طالبة مني أقلع البنطلون وأنا مش راضية.
إدوني بنج، وقطعوا حتة مني، وما فوقـتـش غير وأنا "آنسة"،
كل حاجة اتغيرت بعد اليوم ده.

أنا عندى 25 سنة وبـ شتغل مدرسة وده بـ يخلينى أنزل بدرى
كان اليوم أجازة رسمية وانا اضطريت أنزل
الشوارع كانت فاضية وانا كنت فى شارع عمومى مراقب بكاميرات، وفيه عربية وقفت واتشديت فيها
كان فيه محاولة إعتداء وكان مش شخص واحد

بعد الطلاق
قلت أنزل أشوف شغل
نزلت أشوف شغل في المستشفيات
عاوزين ممرضات بس، وانا ماليش في التمريض.
"السن إيه يا مدام؟ 36؟! لأ ما يـنـفـعـش"
" طب مؤهلاتك إيه؟ دبلوم صنايع؟ "
ما بـ يرضوش

أنا مـا عيـشـتـش طفولتي، أمي شيلتني الطين بدري
إحنا عندنا الحريم تروح الغيط، وتحلب البهايم، وتأكل الطيور
كانت أمي تروح، وترجع تضربني
"ماعـمـلـتـيـش الأكل ليه؟"
العنف المنزلي؛ العنف المبني على النوع؛ العنف الجنسي؛ العنف الجسدي؛ الوالدين؛ الزواج المبكر؛ الطلاق؛ العمل

أنا من صغري بـ تعرض لكل حاجة سيئة،
أولها تنمر من زمايل ليا في المدرسة بسبب سماري وجسمي النحيل،
ومن المدرسين بعدها اللي ما كانوش بـ يختاروني في أي عرض أو نشاط بسبب شكلي برضه.
بس الحمد لله مع الوقت اكتسبت صحاب عوضوني شوية، لأ عوضوني كتير أوي.

كنت صغير في ابتدائي غالبا
رحت أجيب عيش من الفرن والعيش اتأخر
كان واقف ورايا راجل كبير في السن، لابس جلابية بيضا وله دقن خفيفة.
حط إيده على كتافي وتبت فيا، ولزق عضوه فيا من ورا

كنت طالعة على السلم، ولابسة جاكيت أصفر قصير،
بـ لبسه على البيجامة لما بـ نزل أجيب لماما حاجات من تحت.
جه راجل طويل ورفيع، ولابس جاكيت بني، ووقفنى،
وحط إيده تحت.

مش قادرة أنسى
وسط الصريخ، والضرب، والقتل، والنار، والغاز في التحرير
فجأة حسيت بإيدك بـ تحاول تقتل جزء مني

الشارع، التحرش، العنف الجنسي، العنف المبني على النوع

بس زي ما يكون حصل لي بركان من الذكريات للتفاصيل الصغيرة
خبطة رأسي في ترابيزة الشاي، وهو بـ يقلبني على الأرض،
وبـ يقلعني الجزمة، وبـ يحط رجلي عنده
ما كنتش عارفة أنا بـ عيط من راسي الـلـي كانت واجعاني جدًا من الخبطة،
ولا من إحساس اللزوجة وهو ماسك رجلي، وقافل عليها.