من أسبوعين، أختي جت لي البيت
وقالت لي إني بـ ضُرها، وبـ ضُر ابنها
وإن أمنا لو حصل لها حاجة أو وقعت هـ يكون بسببي
وإن أسلوب حياتي غلط، ومش طبيعي
وإني مريضة نفسيًا، ومحتاجة دكتور
وإنها دورت لي على دكتور، ولازم نروح له سوا
وإنها ممكن ما تتقِبِلش في الشغل بسببي
وإني عاملة زي القنبلة، ممكن أنفجر في أي لحظة، وادمر حياة العيلة كلها
وإنها ممكن تسافر، وتقول لابنها إنه مالوش خالة.
كل الكلام ده وأكتر عشان أنا مثلية
مش طبيعي
2016