كنت فوقيه
وحسيت بمتعة
ماكانش لسه دخّـله
كنت بحاول أمد إيدي عشان أجيب الكاندومز لما لاقيته حشره فيا فجأة وهو ماسكني من وسطي
قفلت عيني واستنيته يخلص
ما كنتش مبسوطة
بس ماحاولتش أوقفه
فصلت نفسي عن اللي بيحصل، والأيام اللي بعدها فضلت مستنية البريود تجيلي بفارغ الصبر

أو يمكن ما استنتش بفارغ الصبر إنها تيجي
يمكن اللي عملته هو إني أخدت واحدة من حبوب منع الحمل الطارئ
اللي عرفت آخدها من الدكتورة بتاعتي
كخطة بديلة يعني، عشان لو حصل والوسيلة اللي اخترناها ماكانتش ناجحة أو حصل حاجة
كنا ماشيين على خطة تنظيم الأسرة التقليدية، وده كان معناه إن كان في أيام محتاجين فيها نستخدم أكتر من وسيلة في نفس الوقت، اللي كانت الكاندومز في حالتنا
يمكن الهرمونات اللي بتلخبطها حبوب منع الحمل كانت مخلياني قلقانة زيادة

يمكن كان مدخله بالفعل
أحيانًا كنا بنجازف بإننا ننام مع بعض من غير أي وسيلة حماية في الفترات اللي ما بـ كونش فيها مستعدة للخصوبة أوي، وبعدين بنستخدم الكاندومز عشان يقدر يجيبهم جوايا
الموضوع كان محتاج موافقتنا إحنا الاتنين،
وكنا خلاص وصلنا لطريقة قادرين نتواصل بيها بخصوص الاتفاق ده قبل ما نجازف بحاجة زي دي

يمكن ...
مش فاكرة التفاصيل
الموضوع حصل من كذا سنة، قبل ما ننهي جوازنا بحاجة بسيطة
قبل ما يخليني أمر بتجربة طلاق بشعة قدر هو يتحكم فيها ويخلي الأمور تمشي على مزاجه،
وسابني مش عارفة حتى أنكر الاتهامات اللي قعد يرميني بيها
يمكن كنت مشغولة بإجراءات الطلاق لدرجة إني ما كانش عندي وقت أستوعب اللي حصل في السرير قبلها بكام شهر

يمكن كنت خلاص اتعودت
دي ماكانتش أول مرة يعملها
في مرة كمان فاكراها قبل الطلاق بحاجة بسيطة
ومرة في شهر العسل
أرغمت نفسي إني ألاقي طريقة تخليني أتبسط باللحظات الحميمية معاه،
حتى وانا مالياش مزاج ومش عايزة
وحتى لما كنت خلاص مدركة إن جوازتنا مؤذية ولازم تنتهي
كنت مضطرة أحط انبساطه هو قبل انبساطي أنا،
حتى وانا مش مرتاحة للي بيحصل، وحتى وانا حاسة ان اللي بيحصل ده مش صح

كنت بفكر إن كده كده محدش هـ يصدقني
كل حاجة ممكن أقولها كان هـ يعرف يستغلها ضدي:
كنا متجوزين، وكنا في وسط علاقة جنسية، وكنت قاعدة فوقيه (فبالتالي كنت أنا اللي مسيطرة على الوضع مش هو؟)
وكنت مبسوطة بالجنس قبل ما ده يحصل، وماحاولش أوقفه،
الموضوع حصل من عشر سنين، كان فيه احتمالات كتير
بس أنا متأكدة إن كان في حاجة مهمة جدًا مش موجودة: وهي موافقتي
ما وافقتش على إنه يكمل بالشكل ده
استنيت إنه يخلص
وكنت عايزاه يخلص في أسرع وقت، عشان أقدر أتعامل مع القلق
ما كانش عندي حتى وقت أستوعب إني كنت بمر بحالة انفصال عن الواقع، وإني ما كنتش "موجودة" في باقي العلاقة دي، وإننا كنا بـ نعمل ده عشانه هو بس
الموضوع ما كانش مجرد إنه ما أخدش موافقتي على نوع الجنس اللي بنمارسه، ما كانش حتى واخد موافقتي على نوع المجازفة اللي احنا بناخدها، حتى وانا بعترف إن أنا شخصيًا أخدتها.
هو ماعملش لا ده ولا ده، ومع ذلك كمل

الموضوع حصل من زمان أوي
ما قدرتش ألاقي الكلمات المناسبة اللي أقدر أوصف بيها المشكلة غير من قريب جدًا
مادتهوش موافقتي
أيوا كنا متجوزين
وأيوا لحد ما ده حصل كنا بـ نمارس الجنس برضا الطرفين
وأيوا كنت مبسوطة واحنا بـ نعمل ده
وأيوا حسيت بمتعة
وأيوا ما حاولتش أوقفه
وأيوا الموضوع حصل من حوالي عشر سنين
وأيوا في احتمالات كتير أوي
بس أنا ما وافقتش على إن الحاجات دي بالتحديد تحصل
ما أخدش موافقتي على ده
لسه عندي مشكلة في إني أتكلم عن اللي حصل والأثار اللي سابها جوايا وفي علاقتي بجسمي
(كنت حاسة إني بخون نفسي)
خصوصًا لأن الموضوع كان بـ يحصل بالتزامن مع علاقة جواز كانت مؤذية جدًا بالنسبالي،
وطلاق شبه ضيعلي حياتي كلها، وجابلي اكتئاب واضطرابات قلق عمري ما مريت بيها قبل كده
كل الأذى ده أنا لسه بـ حاول أتجاوزه لحد اللحظة دي