بابا كان بيضرب بكربـاج وخرزانـة، وعلى أسباب بسيطة ...
كوباية شاى مكسورة أو أكل ما خلصـش!
وفاكرة إنى لما كنت بـ شتكى لأمى، كانت تقولى: "غلطتك انت اللى ضايـقـتـى بابا!"
فكنت فاكرة إن ده العادى ...
الأب بـ يضرب بناته عـشـان يـربِّـيـهم.
ولما المُدَرِّسـة طلبت تقابل بابا وماما لما لاحظوا كدمات الضرب على جسمى أنا وأختى، بابا ما راحـش.
ماما راحت وقالت لهـم:
"كان متعصب شوية، فضربهم... إنتِ عارفة لما الولاد بـيـتـنـططـوا بقى فى البيت"
بس الـلـى مش قادرة أنساه هو لما أختـى قطعت ورقة من نص الكراسة بدل آخرها
فـبابا مسكها، قعد يضرب فيها وخنقـهـا لحد ما أغمى عليها.
أنا كنت قاعدة بصـرخ عـشـان يبـطَّـل
وأمى كانت واقفة ...
ساكتة ...
بـ تــتـفـرَّج!
بكرباج وخرزانة
2017