المشكلة مش عندي أنا، المشكلة عند حد قريب ليا، بس هي أضعف من إنها تشارك ده.
هي متجوزة بقالها 18 سنة من شخص،
كانت البداية تأخر الإنجاب، وتدخلات، وكلام زبالة من أهل جوزها.
جوزها دايمًا كان بـ يعتبر أهله أهم منها،
لدرجة إنه خلاها في مرة تختار ما بين إنها تتـطـلَّـق، أو تبوس رجل أبوه وأمه،
وللأسف، هي رافضة تدخَّل حد من أهلها.
لحد ما خلفت بعد معاناة 10 سنين من الذل والإهانة.
بس هو معتبر شغله أهم دايمًا، وبـ يعاملها وحش جدًا…
وبـ يـهـيـنـهـا، ويضربها قدام الناس عادي خالص.
هي في حكم المطلقَّة، بيقعد بالسنة والسنتين ما يروحلهاش بحجة الشغل،
وبـ يتهمها إنها على علاقة برجالة تانية، وقال كده قدام الناس وقدام أهله.
وهي مش قادرة تتكلم؛ بحكم إنها مش عاوزة تسيبه عشان الطفل،
وعشان هو ممكن يئذيها، لإنه ظابط.
للأسف هي بـ تعاني جدًا، بس مش قادرة تعمل حاجة….
ما عندهاش مصدر دخل تعيش بيه لو سابته، وخايفة يحرمها من ابنها.