كان عندى خمستاشر سنة، وكنت في البلد
ماشي مع بنات عمتي، وبنات عمي، وأختي
العيد في البلد غير العيد هنا، العيد في البلد آخره بعد الضهر
ما كـنـتـش أعرف أنا، فـقلت لهم: "تعالوا نـتمشى شوية".
مشيت مع أختي، وبنات عمي، وبنات عمتي
فـلاقيت شوية شباب بـ يروِّشوا
فيه لفظ كده طلع مني، شتمت الواد
لاقيت واد جالي، وبـ يضربني في رجلي
بـ يقول لي: "أنت تعرف أمه عشان تشتمه؟"
قلت له: "طب أنت عايز إيه يعني؟"، وروحت جاي زقه.
أربعة جم ضربوا فيا
أنا بصراحة ما تخيلتش أربعة بـ يضربوا فيا
أنا قمت، وبـ عمل كده في وشي، لاقيت راجل جاي بـ يحجم
كانت إيدى عمال أعمل فيها كده، والواد كان قفاه ورا الراجل
روحت جاي، وبكل ما عندي مرجع إيدى ورا، ودِب
الواد اتضرب، وعيط، وواد أكبر مني.
بعد كده اتعودت لما آجي اتخانق
ولا يمشى معايا بنات، ولا حاجة
اتعودت إن أنا ما أردش على حد
ولا أعمل كده تاني.