أنا جت عليا فترة في البيت داخل طالع كأني داخل لوكاندة
أخش آكل وانام،
أصحى نفس النظام
كأني مش موجود معاهم، مش عايش معاهم
حتى والدي ما بـ يـتـصلـش بيا يقول لي أنت فين.
جت عليا فترة كنت عاوز أعرفهم إن أنا موجود معاهم وكده بس مش عارف
مش عارف أجيب الطريقة
أنا قريب من والدتي، عكس والدي
جيت في يوم صاحي من النوم، وكان عندي طاقة
فـ قولت لها: "أنا بـ عشقك"
لاقيتها استغربت وضحكت كده، قالت لي: "أنت بـ تهزر؟"
قولت لها: "أنا مش بـ هزر، ده شعور أنا حبيت أقولهولك
أنا عايز أعرفك إن أنا بحبك، مش إن أنا مثلًا بـ ضايقك أو بـ زعلك
ونفسي تبادليني نفس الشعور"
ادتني طاقة إيجابية أكتر وأكتر لما عملت كده
وادتني جراءة إن أنا أتكلم، وما أتـكـسـفـش، وما اخافش من رد الفعل بتاعهم.