وانا عندي 13 أو 14 سنة، كنت بايتة عند خالي،
وكنت أنا وولاد خالي سننا قريب من بعض، وصحاب أوي، وكانوا توأم، ولد و بنت.
وانا أصغر كنت عارفة إن ابن خالي معجب بيا، بس عدى وقت.
المهم لما زورتهم يومها كنا برا طول اليوم، ورجعنا تعبانين أوي،
لدرجة إن لما أنا وبنت خالي دخلنا الأوضة اتقتلنا نوم،
وابن خالي قرب مني وانا نايمة جنب أخته، حط إيده تحت هدومي، وباسني.
صحيت منه، وكنت خايفة أقوم وأبيِّن إني صاحية؛
عشان الأوضة كان فيها حديد، خوفت يضربني بيها،
بس كنت هـ رجَّع، فـ قررت أجري، وروحت كلمت أخواتي الكبار، وقعدت أعيط،
ورجعت البيت الفجر، ولما رجعت إخواتي سألوني: "كنتِ مبسوطة؟ عملتي إيه عشان تغريه؟"
وسحبوا مني الموبايل، وقطعوا معايا فترة،
وانا ساعتها ما كـنـتـش فاهمة يعني إيه حتى أغريه.
الموضوع مات، بس أنا لسه فاكرة الظلم.