أنا شعري كيرلي، وبحبه جدًا
تعبت من كلام الناس الغبي، ونزولي الشارع من أوحش الحاجات الـلـي بـ تحصل لي
مغص فظيع كل ما آجي أنزل، مش عارفة ده social anxiety ولا إيه
أنا عندي ثقة في نفسي، وبحب شعري،
وكان نفسي الناس تتقبل الاختلاف،
بس للأسف أنا كل ما بـ نزل بـ يتقال لي:
"يا كارتة"
"أنتِ مش بـ تستحمي؟"
حتى مرة كنت معدية جنب شوية ظباط، أو ما أعرفش رتبتهم كانت إيه
المشكلة إنهم قعدوا يتريقوا على شعري، ويقولوا لي:
"كلب البحر"، مش مصدقة إن حتى الـلـي المفروض بـ يحمونا بـ يعملوا كده.
كان نفسي أعيش في مكان يقدرني،
والناس فيه يكون عندهم ذوق وكويسين... أنا فعلا مش بنتمي لهنا.