بتقص حاجة مني

في نص الترم الأول من أولى إعدادي ماما بعتتني لعمتي،
قالت لي: "روحي شوفيها عاوزة منك إيه"،
ولما رحت لعمتي قالت لي: "تعالي معايا عند الدكتور"،
كنت فاكراها تعبانة، وواحنا مستنيين دورنا قالت لي: "الدكتورة هـ تكشف عليكي"،
أنا ما كنتش فاهمة حاجة، لاقيتها بـ تجيب مقص وبـ تفتح رجلي، وبـ تقص حاجة مني.
أنا اترعبت وروحت البيت حاسة إن في حاجة كبيرة غلط حصلت،
وفضلت أعيط وبابا رجع بـ يضحك في وشي وبـ يقولي: "مبروك"، وانا بصوت.

دلوقتي الأنسجة بتاعتي متدمرة، وعندي أمراض مالهاش علاج بسبب الختان

x
تنويه القصص الموجودة على هذا الموقع قد تسبب للبعض شعور بعدم الارتياح أو الألم. في حالة شعورك بذلك، تذكر أن تتنفس، وأن تأخذ بعض الوقت مع ذاتك قبل مواصلة القراءة، أو بالتوقف عن القراءة إذا استدعى الأمر